Grao en Fisioterapia

No curso 2020/2021 implantouse un novo plan de estudos do Título de Grao en Fisioterapia para atender ás novas necesidades detectadas. Para realizar esta modificación tivéronse en conta tanto o informe de seguimento do título coma o de acreditación.

O obxectivo básico do Grao en Fisioterapia é formar profesionais da Fisioterapia que den resposta ás demandas dunha sociedade cambiante, multicultural e que demanda cada vez máis unha maior calidade nas prestacións. Polo tanto, pretende facilitar a adquisición das competencias necesarias para a prestación dunha atención de calidade ao usuario que demande os seus servizos, ben sexa na recuperación e rehabilitación de disfuncións ou discapacidades somáticas, ben sexa na promoción da saúde e prevención da enfermidade.

A formación ofrecida no Título está orientada, fundamentalmente, á función asistencial do futuro estudantado egresado, se ben tamén se lle dota de ferramentas básicas aplicables a tarefas de investigación, divulgación científica e docencia.

• Mutuas patronais
• Servizos médicos de empresa
• Hospitais e clínicas privados
• Fisioterapeuta autónomo
• ONG (Cruz Vermella etc.)
• Sergas (atención hospitalaria, centros de saúde)
• Centros educativos
• Centros de rehabilitación
• Xeriátricos
• Centros de fisioterapia
• Balnearios
• Educación sanitaria
• Prevención de incapacidades

• Fisioterapia preventiva e asistencial
• Centros de atención ao lesionado/a laboral
• Informes xudiciais de incapacidades
• Clubs deportivos
• Institucións deportivas
• Docencia non universitaria (BAC, ESO, FP, FPO,…)
• Docencia universitaria
• I+D+i en centros públicos e privados
• Administración pública: ámbito europeo, estatal (Ministerio de Sanidade, Ministerio de Xustiza), autonómico (Sergas, Consellería de Educación, centros educativos, Sergas), local (centros deportivos municipais)
• Centros privados